martes, 4 de agosto de 2009

Gaiteres gallegues portada de revista en Francia



Como tolos años per estes feches, la revista francesa Keltia Magazine dedica un númberu cuasi-monográficu al país que protagoniza la edición del Festival Intercélticu de Lorient. Esti añu, como yá persabéis, el país que tien esi honor ye Galicia. Asina, el númberu 13 d'esti cartafueyu celtista, dirixíu por Fabien Régnier, abrese coles dos gaiteres gallegues más conocíes a nivel internacional, Susana Seivane y Cristina Pato, que tamién son oxetu de dos estenses entrevistes nel interior de la revista.
Amás d'estes entrevistes Keltia Magazine ufre una montonera d'artículos enfotaos en dixebraos aspeutos de la cultura gallega (protohistoria, lliteratura, Castelao, música...). Ente toos ellos prestame solliñar ún dedicáu al cuentu Ponthus et la belle Sidoine, una de tantes histories enraigonaes na Materia de Bretaña pero esta vuelta'l protagonista ye Ponthus, un caballeru de Galicia qu'afuxe de los moros y alcuentra abellugu en Bretaña.
Los que teis interesaos en mercar la revista podéis dirixivos a Keltia Magazine

2 comentarios:

Ulmo de Arxila dijo...

Boas! Acabo de coñecer o teu blog e debo darche os parabéns polo ben feito que está e o exhaustivo que é!
Por certo, xa saberás que Carlos Núñez ten un tema dedicado ao "roman " de Ponthus e Sydoine no seu traballo "Almas de Fisterra". O "roman" en cuestión está traducido ao galego e publicado na Editorial Toxosoutos, por se alguén estivese interesado en conseguilo.
Un saúdo desde Galiza!

Vítor dijo...

Benvido a Masquegaites!
Munches gracies pola visita, polos parabienes y polos comentarios.
;-)