miércoles, 13 de octubre de 2010

Milladoiro d'aniversariu n'Avilés


Va ser el prósimu vienres, 22 d'ochobre, cuando la llexendaria banda gallega Milladoiro s'acerque hasta Avilés pa facenos partícipes de la xira que cellebra los sos 30 años enriba los escenarios. Trés décades, vente trabayos discográficos asoleyaos y parez que foi ayeri cuando entamara too nel Colexu Salesianos d'A Coruña, onde dieran el so primer conciertu nel añu 1979. Nestos 30 años Milladoiro percorrió'l mundiu amosando la bayura de la música tradicional gallega y abriendo oreyes a la música celta fecha na Península Ibérica. Aporten agora a Asturies, onde tienen tocao munches vegaes, na so xira Desde Maeloc, que m'abulta tien un tastu a despedía o polo menos puntu y a parte na llarga carrera del grupu.

La cita ye nel Auditoriu de la Casa la Cultura avilesina y ta enxerta nel ciclu Avilés, Arte Sonoro qu'entama NorteSur Records de la man de Béznar Arias. El preciu la entrada son 15€ y éstes tan disponibles nel Don Floro n'Avilés, Discos Piraña en Xixón y El Último Mono n'Uviéu, amás de na rede de caxeros de Caxastur al traviés de Tiquexpress, el día del conciertu tarán disponibles nel propiu Auditoriu por 18€.

3 comentarios:

Ulmo de Arxila dijo...

Despedida? Nom os tente o Demo!!!

Vítor dijo...

Foi un pálpitu que me dio al lleer la nota de prensa, suxetiva dafechu. Trenta años ye una cifra bien redonda, afayaíza pa dar cambios de rumbu drásticos... Meyor que nun me faigan casu ;-)

Ulmo de Arxila dijo...

O dos cámbios de rumo e a renovaçom sempre está bem, e a necessidade de reinventar-se todos os grandes grupos a tivérom. A mais, se algo caracterizou sempre os Milladoiro foi a capacidade de gerar novas ideias e fazer novas aportaçons em cada trabalho, sobretodo quando forom incorporando gente nova, como Roi ou Harry C. A ver se nos deparam outros 30 aninhos de boa música, e que passados esses 30 anos voltem a Avilés para celebrá-lo! :-)