Esti sábadu, 17 de xunetu, va cellebrase la Nueche Celta de Ribeseya, cola participación del grupu cántabru-vallisoletanu Vallarna y cola de los locales Corquiéu, que van aprovechar la ocasión pa presentar énte los sos paisanos el so nuevu discu Suaña. Les actuaciones d'entrambes bandes van tener llugar na Plaza L'Ayuntamientu dende les 23:00 hores. Esti eventu musical, que vien cellebrándose dende va años, ta convirtiéndose nuna de les cites clásiques del branu na fastera oriental del país y, esti añu, vulve puntual a la cita pesie a la crisis.
Nuevu cartelu de luxu pa la XXVIª edición de la nueche folk decana d'Asturies, la Noite Celta de Porcía. Mañana, el caberu sábadu del mes d'agostu, vamos poder disfrutar de les actividaes, yá tradicionales, entamaes pola Asociación La Alameda dende l'añu 1983, yá llovió. Música celta, sardinada popular y tou nun marcu natural perguapu como ye esti requexu'l conceyu'l Franco. No qu'a música se refier, esti añu van pasar pel míticu escenariu la Banda e Gaites Reina del Truébano, Mezá, Llan de Cubel, los irlandeses At First Light Band y la banda asturiana d'ska-punk-folkSkama La Rede. Un plan mui guapu pa dispidir el mes d'agostu con bona música folk y bones sardines del Cantábricu.
Coses del branu pero tamos énte la fin de selmana más folki del añu, los conciertos y actuaciones queden unos tapecíos por otros y tres díes nun dan pa programar tanta música ensin pisar les propuestes del vecín. Ye una pena, porque igual nun hai demanda pa tanta ufierta y dalgún actu pue quedar un poco murniu ensin público. L'Intercélticu prosigue colos espectáculos más importnates del so programa: la Lluna Celta, esta nueche, xuntará a tolos grupos participantes y un garrapieyu de músicos solistes nel Complexu Deportivu del Quirinal; mañana, nel Parche, podremos disfrutar colos irlandeses Beoga y los Tannies. Esta nueche tamién se cellebra la final del concursu folk Cuartu los Val.les en Navelgas, amás de los grupos finalistas tamién tocarán los estremeños Los Niños de los Ojos Rojos. Pa los que seyan más aficionaos a les gaites la Banda de Gaites de Candás cellebra los sos tradicionales alcuentros de bandes de gaites na guapa villa mariñana, güei y mañana, pasarán per Candás los gaiteros de Xinzo de Limia, La Reina'l Truébano, los bretones de les bagadouHan Anternoz y Kevrenn Arvorig, amás de los de la banda organizadora. Pal domingu un clásicu, la Nueche Celta de Granda en Xixón, colos irlandeses Beoga, La Curuxa, la Banda de Gaites de Villaviciosa y Skama La Rede. Tamién na villa de Xovellanos, esta vuelta, na plaza Mayor y a les 10 de la nueche Felpeyu volverá ufrir el repertoriu de Canteros. Muncha música.
Esti sábadu, 17 de xunetu, va cellebrase la Nueche Celta de Ribeseya, cola participación del grupu cántabru-vallisoletanu Vallarna y cola de los locales Corquiéu, que van aprovechar la ocasión pa presentar énte los sos paisanos el so nuevu discu Suaña.
