DRD llega a Xixón con convidaos

DRD aporten a Xixón esti xueves, de la man del ciclu de conciertos Músicas del Siglo XX entamáu por Cajastur. La cita, yá vos digo, ye nel pabellón Luis Adaro na Feria Muestres pero, como la cita ye especial, lleguen con un convidáu perimportante llegáu de la Bretaña: el flauteru Sylvain Barou.
El bretón vuelve a Asturies depués de la so presencia nel mes d'agostu nel Xixón 5.40º con Comas, esta vegada p'andechar colos sos collacios de DRD. Prestosu plan de xueves, si la ñeve mos dexa salir de casa...

Sylvain Barou n'Avilés

Aprovechando'l conciertu de Comas en Xixón nel 5º40', el so flauteru Sylvain Barou va a dar un conciertín n'Avilés xunto col so collaciu Rubén Bada. La cita ye mañana, el domingu 22 d'agostu nel chigre El Cafetón, a les 21:30.
Pa los que nun lo conocéis El Cafetón dicir que ta na cai El Sol, xunto a la Casa Conceyu. Equí vos dexo un video con daqué asemeyáu a lo que vamos sintir mañana, nesti casu ye Ronan Pellen el qu'acompaña a Sylvain.